PML-N to stay out of recent NAB chairperson issue, says Shehbaz Shareef

Pakistani News

مسلم لیگ (ن) کا چیئرمین نیب کے معاملے پر لاتعلق رہنے کا اعلان

urdugeonews

لاہور: مسلم لیگ (ن) کے صدر شہباز شریف نے چیئرمین نیب جسٹس (ر) جاوید اقبال کے معاملے پر لاتعلق رہنے کا اعلان کیا ہے۔ 

شہباز شریف کا کہنا ہے کہ (ن) لیگ کا کسی بھی شخص کی ذاتی زندگی سے کوئی لینا دینا نہیں، ہماری جماعت اپنے سیاسی اور قانونی بیانیے سے جڑی رہے گی۔

شہباز شریف نے لیگی رہنماؤں اور عہدیداروں کو چیئرمین نیب کے حوالے سے تبصرہ نہ کرنے کی ہدایت کردی۔

نیب نے نجی ٹی وی پر نشر چیئرمین نیب سے متعلق خبر کی تردید کردی

یاد رہے کہ نجی چینل نے ایک آڈیو ٹیپ چلائی جس میں کوئی مرد ایک خاتون سے بظاہر ناشائستہ گفتگو کر رہا ہے، اس حوالے سے نیب کی جانب سے اعلامیے میں کہا گیا ہے کہ نجی چینل کی آڈیو ٹیپ میں ایک آواز جسٹس ریٹائرڈ جاوید اقبال سے منسوب کی گئی، یہ بلیک میلرز گروہ کا جھوٹا پروپیگنڈا ہے۔

نیب اعلامیے کے مطابق ادارے نے تمام دباؤ اور بلیک میلنگ کو پس پشت رکھتے ہوئے اس بلیک میلر گروہ کے دو افراد کو نہ صرف گرفتار کیا بلکہ ریفرنس کی بھی منظوری دی ہے

(Visited 4 times, 2 visits today)

Leave a Reply

Your email address will not be published. Required fields are marked *